XƏBƏR LENTİ

10 Mart 2021

Digər Xəbərlər

01 Mart 2017 - 12:15

Qazaxıstanda ingilis dilinə rəsmidövlət dili statusu verilə bilər

qazaxistan

Qazaxıstanda dövlət dilinin rolunun gücləndirilməsi və ingilis dilinə rəsmi status verilməsi məsələsi ölkə prezidentinin tapşırığı ilə yaradılmış hakimiyyət qolları arasında səlahiyyətlərin bölüşdürülməsi üzrə İşçi qrupun müzakirəsinə çıxarılıb.

"Report" Qazaxıstanda KİV-inə istinadən xəbər verir ki, bu barədə İşçi qrupunun rəhbəri, Prezident Administrasiyasının rəhbəri Adilbek Caksıbekov bildirib.

Onun sözlərinə görə, dil məsələsindən başqa, ölüm cəzası məsələsi ilə bağlı da təkliflər gəlib: "Bu baxımdan fikirlər haçalanır. Bəziləri ölüm hökmünun tam ləğv olunmasını istəyir, bəziləri də onun tətbiq edilməsi hallarının genişləndirilməsini".

Prezident Administrasiyasının rəhbəri İşçi qrupun bütün təklifləri diqqətlə öyrəndiyini vurğulayıb.

Qazaxıstanda dövlət dili qazax dilidir. Dövlət təşkilatlarında və yerli özünüidarə orqanlarında qazax dili ilə yanaşı, rus dili də rəsmi qaydada istifadə olunur.