XƏBƏR LENTİ

01 Dekabr 2020
30 Noyabr 2020

Digər Xəbərlər

04 Mart 2017 - 19:58

BVF:"Yunanıstan vergi sistemini əsaslı şəkildə yenidən qurmalıdır"

Beynəlxalq Valyuta Fondunun (BVF) illik məruzəsində qeyd edilib ki, Yunanıstan öz iqtisadi problemlərini həll etmək üçün vergi sistemini əsaslı şəkildə yenidən qurmalıdır.

Vergiler.az xəbər verir ki, məruzədə əvvəlki illərdə edilmiş tövsiyələrə də yer verilib.

Fondun açıqlamasına görə, Yunanıstan öz vergi bazasını genişləndirməli, həmçinin vergidən yayınma hallarına qarşı mübarizəni gücləndirməli, vergi inzibatçılığını təkmilləşdirməli, eləcə də vergi borclarına daha səmərəli nəzarət etməlidir.

Qeyd edilib ki, Yunanıstanın vergi sistemi orta gəlirli işçilərə vergi yükünün məqbul səviyyədən xeyli aşağı qoyulduğuna və aşağı gəlirli insanlardan əhəmiyyətli dərəcədə çox vergi tutulduğuna görə, qeyri-səmərəli və ədalətsizdir.

Məruzədə göstərilib ki, ölkənin səmərəsiz vergi sistemi vergi daxilolmalarının kəmiyyətcə artmasına gətirib çıxarıb. Ölkə iqtisadiyyatının həcmi ilə müqayisə etdikdə, vergi daxilolmaları Avropada ən yüksək göstəricilərdəndir və vergi dərəcələri hələ də artmaqdadır.

BVF-nin məruzəsində vurğulanıb ki, ölkənin vergi orqanı öz diqqətini vergilərin “lazım olduğu qədər artımı” deyil, ardıcıl artımı üzərində cəmləşdirməlidir. Çünki “lazım olduğu qədər artımı” sonradan davam etdirmək mümkün olmayacaq.

BVF Yunanıstana vergi dərəcələrinin aşağı salınması üçün əlavə dəyər vergisi dərəcəsinin bir faiz artırılmasını tövsiyə edib.