XƏBƏR LENTİ

10 Mart 2021

Digər Xəbərlər

25 Mart 2017 - 21:00

Qırğızıstandavəziyyət yenə qarışdı

Qırğızıstanın paytaxtı Bişkekdə  saxlanılan sabiq deputat Sadır Japarovun tərəfdarlarının təşkil etdiyi mitinq dağıdılarkən 68 etirazçı saxlanılıb.

APA-nın xəbərinə görə, bu barədə “RİA Novosti”yə  Qırğızıstanın DİN rəhbərinin müavini Almaz Orozəliyev bildirib.  
 
“Xuliqanlığa yol vermiş və hüquq-mühafizə orqanlarının əməkdaşlarına qarşı güc tətbiq etmiş 68 nəfər saxlanılıb”, – deyə DİN rəhbərinin müavini bildirib. Onun sözlərinə görə, etirazçılar kütləvi iğtişaşlar təşkil edərək, asayiş keşikçilərinə şüşə qablar və digər əşyalar atıblar, taxta parçaları ilə xəsarətlər yetiriblər. Onlar həmçinin DİN-ə məxsus avtobusun şüşələrini qırıblar.
 
Bundan əvvəl  Qırğızıstan Milli Təhlükəsizlik Komitəsinin əməkdaşları son illər Kiprdə yaşayan sabiq müxalifətçi deputat Sadır Japarovu Bişkek aeroportunda saxlayıblar. Onun barəsində 2013-cü ilin noyabrın 7-də baş vermiş iğtişaşlarla əlaqədar  CM-nin bir neçə maddəsi üzrə cinayət işi başlanılıb.