XƏBƏR LENTİ

11 Avqust 2020
10 Avqust 2020

Digər Xəbərlər

08 Noyabr 2015 - 14:10

PKK yenə qan tökdü – Ölən və yaralanan var

Türkiyənin Diyarbəkir vilayətinin Sur rayonunda təhlükəsizlik qüvvələri ilə PKK-nın “Yurtsevər İnqilabçı Gənclik” hərəkatının qruplaşması arasında baş vermiş toqquşmalarda 1 nəfər həlak olub, 1 polis zabiti isə yaralanıb.

İğtişaşların Yenişəhər rayonuna da yayılması ilə əlaqədar təhlükəsizlik qüvvələri bir sıra yerlərdə giriş-çıxışı bağlayıb. İğtişaş törədənlərin saxlanılması üçün evlərdə reydlər təşkil olunub. Polisin keçirdiyi əməliyyatlara helikopterlər havadan dəstək olub.

Artıq iki gündür davam edən toqquşmalarla əlaqədar yerli iş adamları ticarət obyektlərini, dükanlarını bağlamaq məcburiyyətində qalıb.

İstanbulda isə Gaziosmanpaşa adlandırılan yerdə naməlum şəxlər polis maşınına silahlı hücum edərək iki zabiti yaralayıb. İnsident gecə saatlarında polisin şübhəli maşını saxlamağa çalışan zaman baş verib. Xəstəxanaya çatdırılan polis zabitlərinin ayaq nayihəsindən güllə yarası aldığı deyilir.

Hadisədən sonra cinayət yerinə xeyli sayda polis və təcili tibbi yardım əməkdaşları axışıb. Zabitlərin yerləşdiyi xəstəxana önündə gücləndirilmiş təhlükəsizlik tədbirləri həyata keçirilib.