ABŞ Silahlı Qüvvələri qərargah rəisinin keçmiş müavini, general Cek Kin ölkəsinin Əfqanıstanda həyata keçirdiyi hərbi kampaniyanı “tam rüsvayçılıq” adlandırıb.

Cek Kin bu haqda “Fox News”a müsahibəsində danışıb. General deyib: “Biz 16 ildir bu müharibədə itşirak edirik. Ancaq bu, faktdır ki, bizim üçün əlverişli olan kampaniyanı hələ də başa çatdıra bilməmişik. Bu, tamamilə rüsvayçılıqdır”.

Pentaqonun Əfqanıstandakı hərbçilərinin sayını 4 minədək artıracağını şərh edən keçmiş rəis müavini deyib: “Bu, xeyirli addım olsa da, qüvvələrin düzülüşünü ABŞ-ın xeyirinə dəyişə bilməyəcək. Pentaqon regional qarşıdurmada qələbə çalması üçün hərbçilərin sayını 10-20 minədək artırmalıdır”.

Hazırda Əfqanıstanda ABŞ-ın 8,4 min hərbçisi var. (Report)