XƏBƏR LENTİ

22 Oktyabr 2020

Digər Xəbərlər

12 İyul 2017 - 14:09

Binəli Yıldırım:"Dövləti təhlükədən qorumaq üçün görülən tədbirlər hakimiyyətin hüququdur"

İstanbulda 2016-cı il iyulun 15-də Türkiyədə törədilən dövlət çevrilişi cəhdinin ildönümünə həsr olunan “Beynəlxalq 15 iyul simpoziumu” təşkil olunub.

Tədbirdə əvvəlcə Türkiyənin dövlət himni səsləndirilib.

Sonra 15 iyul şəhidlərinin əziz xatirəsi bir dəqiqəlik sükutla yad olunub.

Baş nazir Binəli Yıldırım mərasimdə çıxış edib. Hərbi çevrilişi cəhdinin Türkiyənin dövlətçilik tarixinə ağır zərbə vurduğunu qeyd edən hökumət başçısı bildirib ki, xalq Prezident Rəcəb Tayyib Ərdoğanın ətrafında sıx birləşərək dövləti məhv olmaq təhlükəsindən xilas edərək şərəfli bir qəhrəmanlıq salnaməsi yazıb. Baş nazir qeyd edib ki, dövləti təhlükədən qorumaq üçün görülən qanuni tədbirlər hakimiyyətin hüququdur. Buna qarşı çıxmaq yolverilməz və qarşılıqlı münasibətlərə hörmətsizlikdir. Türkiyənin bütövlüyü naminə canlarından keçən qəhrəman insanların əziz xatirəsi xalqın qəlbində əbədi olaraq yaşayacaq(azərtac).