XƏBƏR LENTİ

24 Sentyabr 2020
23 Sentyabr 2020

Digər Xəbərlər

15 İyul 2017 - 23:54

Fransada Bastiliyanın alınması günü 900-ə yaxın avtomobil yandırılıb –Polis 370 nəfəri saxlayıb


Fransanın milli bayramı – Bastiliyanın alınması günü münasibətilə keçirilən mərasimlər zamanı yüzlərlə avtomobil yandırılıb, 370-ə yaxın insan saxlanılıb.

“Parisien” qəzetinin Fransa Daxili İşlər Nazirliyinə istinadla yaydığı məlumata görə, iyulun13-14-də ümumilikdə 897 avtomobil yandırılıb. Asayiş keşikçiləri 368 nəfəri saxlamalı olublar. Ötən il isə bundan bir qədər az – 855 maşın yandırılmış, 577 nəfər saxlanılmışdı.

Nazirliyin nümayəndəsinin sözlərinə görə, bütün ölkə üzrə yüksək təhlükəsizlik tədbirlərinin görülməsi bayramın nisbətən sakit keçirilməsinə imkan yaradıb. Belə ki, yalnız Parisdə təhlükəsizliyi 11 min nəfər polis qoruyub. Fransa paytaxtının mühafizəsinə, həmçinin Sena sahillərində keşik çəkən 6 çay gəmisi və pilotsuz Reaper uçuş aparatı cəlb olunub.