İŞİD terror qruplaşmasının rəhbəri Əbubəkr əl-Bağdadi sağdır və Suriya ərazisində gizlənir.

Strateq.az bildirir ki, bu barədə İraq Daxili İşlər Nazirliyinin kəşfiyyat və antiterror əməliyyatları xidmətinin rəhbəri Əbu Əli Bəsri bəyan edib. Xəbəri “Əl –Ərəbiyyə” telekanalı yayıb. O, Rusiyanın İŞİD rəhbərinin öldürülməsi ilə bağlı bir neçə gün əvvəl yaydığı xəbəri təkzib edib.

Bununla yanaşı Bəsri terrorçuların rəhbərinin konkret harada gizlənməsi barədə söz deməyə çəkinib. Yalnız bildirib ki, Bağdadi Raqqa ərazisində deyil. İraq kəşfiyyatı hazırda İŞİD rəhbərlərinin bütün hərəkətlərini izləməyə çalışır. “əl-Bağdadi hələ Suriya ərazisində gizlənir”.

O vurğulayıb ki, Bağdadinin ölümü barədə yayılan məlumat yalandır.