Afrika dövləti olan Qambiya özünü İslam Respublikası elan edib.

Strateq.az RİA Novosti agentliyinə istinadən verdiyi məlumata görə, bu barədə dövlət başçısının bəyanatında bildirilir.

“Bu gündən Qambiya – İslam dövlətidir” –deyə Y.Cammenin bəyanatında deyilir. Bununla belə, o vurğulayıb ki, ölkə vətəndaşları istədikləri dinə etiqad edə bilərlər.

1965-ci ilədək İngiltərənin müstəmləkəsi olmuş Qambiyada əhalinin 90%-i müsəlmandır.

49 yaşlı Y.Camme 20 ildən artıqdır ki, Qambiyaya rəhbərlik edir. ötən ildən etibarən ABŞ və Avropa İttifaqı insan haqlarının pozulması ilə bağlı ölkəyə maliyyə yardımını dayandırıb.