XƏBƏR LENTİ

10 Mart 2021

Digər Xəbərlər

09 Avqust 2017 - 14:47

Ermənistanda təhsilli insanların sayı azalıb- Statistika

Ağır iqtisadi vəziyyət və vətəndaşların Ermənistanı kütləvi tərk etmələri ali məktəblərə qəbul olunan tələbələrin sayının kəskin azalmasına gətirib çıxarıb.

Trend-in məlumatına görə, əgər 2013-cü ildə Ermənistanda ali məktəblərə 16304 nəfər qəbul olunmuşdusa, 2016-cı ildə bu rəqəm 10865 nəfər bərabər olub.

2014-cü ildə isə 11228 nəfər ali məktəbə qəbul olunmuşdu.

2017-ci ildə ali məktəblərə qəbul prosesi hələ başa çatmasa da, ekspertlərin fikrincə, bu il də rəqəmin yüksək olacağı gözlənilmir.

Tələbələrin sayının azalmasının əsas səbəbi kimi miqrasiya göstərilir.

Bu statistikadan göründüyü kimi, yaxın zamanlarda Ermənistanda təhsilli adamların sayı azalacaq. Buna isə dövlət özü də dəstək olur. Belə görünür ki, dövlət etiraz və üsyanlardan çəkinir və hesab edir ki, savadsız və düşünməyən kütləni idarə etmək daha asandır.