XƏBƏR LENTİ

10 Mart 2021

Digər Xəbərlər

18 Avqust 2017 - 10:04

Tramp mühüm qərar verməyə hazırlaşır –ABŞ Əfqanıstanda müharibəni dayandırır və ölkəni tərk edir

Prezident Donald Trampın administrasiyası ABŞ hərb tarixində ən uzunmüddətli müharibəsi sayılan Əfqanıstan müharibəsini sona yetirməyə yönəlik strategiya üzrə qərar verməyə hazırlaşır.

Strateq.az “Amerikanın Səsi”nə istinadən bildirir ki, bu sözləri ABŞ Müdafiə Naziri Ceyms Mattis deyib: “Biz qərara çox yaxınıq və mən bunun yaxın gələcəkdə baş verəcəyini güman edirəm” –deyə  Mattis Vaşinqtonda müxbirlərə bildirib.

Tramp cümə günü vitse prezident Mayk Pens və mili təhlükəsizlik komandası ilə bir araya gələcək. Onlar Ağ Evdə 16 il sürən müharibəyə yeni yanaşmanı müzakirə edəcəklər. Seçimlər arasında ölkəyə əlavə qoşuna göndərilməsi, hətta qoşunların tamamilə çıxarılması və təhlükəsizliyin özəl kontraktorlara həvalə olunması var.

İllərlə ABŞ və NATO ölkələrindən aldığı hərbi dəstəyə baxmayaraq Əfqanıstan hərbi qüvvələri Talibana qarşı müqavimətlərində çətinliklə üzləşirlər. Son illərdə Taliban qüvvələri Əfqanıstan və Pakistanın sərhəd bölgələrində irəliləyişlərə nail olub.

Tramp Mattisə Əfqanıstanda qoşun sayını müəyyənləşdirməyi tapşırmışdı. Lakin aylar sonra müttəfiq qoşunlarının ölkədəki sayı dəyişməz qalır. Təqribən 8,400 ABŞ əsgəri və 5,000 başqa NATO ölkələri əsgərləri Əfqanıstanda təlim-tövsiyə funksiyası yerinə yetirirlər.