XƏBƏR LENTİ

20 Yanvar 2021
19 Yanvar 2021

Digər Xəbərlər

21 Avqust 2017 - 14:13

Baş ravvin yəhudiləri təcili İsrailə köçməyə çağırdı:"Avropadan qaçın, ora itirilib”

 

Barselona şəhərinin baş yəhudi rahibi yəhudiləri İsrailə köçməyə çağırıb. Rahib deyib ki, Avropa artıq radikal İslama uduzub.

BBC radiosu bildirir ki, bu barədə "The Independent" qəzeti yazıb. Meir Bar-Hen öz soydaşlarını İspaniyadan qaçmağa çağırıb və deyib ki, bu ölkə "bütün Avropa üçün islamçı terrorun qovşağına" çevrilib. Baş rahibin bu çağırışı Barselonada və Kambrils şəhərində 13 nəfərin ölümünə və daha 120 nəfərin xəsarət almasına səbəb olmuş terror aktının dərhal ardınca səslənib. Hər iki şəhərdə törədilmiş basqına görə məsuliyyəti öz üzərinə İŞİD götürüb. Hakimiyyət orqanları inanır ki, bu basqınları böyük bir terrorçu şəbəkə müəyyən müddət ərzində hazırlayıb.

JTA yəhudi xəbər agentliyinə müsahibəsində cənab Bar-Hen deyib: "Yəhudilər burada daimi sakin deyillər. Mən öz icmama deyirəm: Elə bilməyin ki, biz bura əbədilik gəlmişik. Mən soydaşlarımı İsraildə mülklər almağa çağırıram. Bu yer artıq itirilib. Əlcəzair yəhudilərinin, Venesuela yəhudilərinin səhvlərini təkrar etməyin. Buradan nə qədər tez tərpənsəniz, o qədər yaxşıdır" – deyə baş rahib vurğualyıb.

O daha sonra qeyd edib ki, son hücumlar müsəlman icmasının içində "radikal pöhrələnmənin" olduğunu göstərib. Rahib əlavə edib ki, bu, bütünlükdə Avropanın problemidir: "Avropa itirilib". Lakin baş rahibin çağırışı İspaniya Yəhudi İcmaları Federasiyasının mövqeyi ilə daban-dabana ziddir. Bu təşkilat bildirib ki, İspaniya təhlükəsizlik qüvvələrinin radikal İslamdan qaynaqlanan hədələrə qarşı mübarizəsinin uğuruna inanır.