XƏBƏR LENTİ

21 Oktyabr 2020

Digər Xəbərlər

01 Oktyabr 2017 - 22:39

ABŞ-a məxsus PUA vurulub- Yəməndə

Yəmənin paytaxtı Sənada ABŞ-a məxsus pilotsuz uçuş aparatı (PUA) vurulub.
 
APA-nın “Sinxua” agentliyinə istinadən verdiyi xəbərə görə, PUA-nın üsyançı husilər tərəfindən vurulduğu bildirilir. Kəşfiyyat uçuşu həyata keçirən aparat paytaxtının şimalında vurulub.
 
Yəməndə üsyançı husilər ("Ənsər Allah" hərəkatı), sabiq prezident Əli Abdulla Salehi dəstəkləyən ordu qüvvələri və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar  arasında münaqişə 2014-cü ildən davam edir. Səudiyyə Ərəbistanın rəhbərliyi altında ərəb koalisiyası 2015-ci ildən Yəməndə üsyançı husilərin nəzarəti altında olan ərazilərə hava zərbələri endirir.