XƏBƏR LENTİ

25 Noyabr 2020
24 Noyabr 2020

Digər Xəbərlər

12 Oktyabr 2017 - 11:42

Gürcüstanın baş naziri:“Rusiyanın aqressiv siyasəti etnik diskriminasiya kimi proseslərdə özünü göstərir"

"Gürcüstanla yanaşı, region da təhlükəsizlik problemləri ilə üzləşir və təəssüf ki, bu, bütün dünya üçün ümumi olub”.

Bunu Gürcüstanın baş naziri Giorgi Kvirikaşvili Batumidə müdafiə və təhlükəsizlik məsələləri ilə bağlı keçirilən konfransda deyib.

Baş nazir bildirib ki, sülh və sabitliyin qorunub saxlanması daha çox səylər tələb edir: “Bu gün bu problemlərin öhdəsindən gəlmək üçün daha dərin müzakirələrə ehtiyac var. Bizim təhlükəsizlik üzrə konfrans bu cür müzakirələrin keçirilməsi üçün əhəmiyyətli regional formata çevrilib”.

G. Kvirikaşvili Gürcüstanın döst ölkə və tərəfdaşlarına dəstəyə görə təşəkkür edərək qeyd edib ki, bu, ölkə üçün çox vacibdir: “Yalnız bu yolla biz təkcə ölkədə deyil, bütün regionda sülh, təhlükəsizlik və davamlı inkişafı təmin edə bilərik”. 

Gürcüstanın ərazilərinin işğalına toxunan baş nazir deyib ki, Rusiyanın ölkəyə qarşı aqressiyası davam etməkdədir: “Rusiyanın aqressiv siyasəti etnik diskriminasiya və təmizləmə kimi proseslərdə özünü göstərir. Təxribatçı addımlara baxmayaraq, Gürcüstan 2008-ci ildə əldə olunmuş atəşkəs rejimi ilə bağlı sazişə sadiqdir və Rusiyanın beynəlxalq norma və prinsiplər əsasında öhdəliklərinin yerinə yetirməsinə nail olmaq üçün diplomatik addımlar atır”.

APA