Londonun cənubunda yerləşən Penc rayonunda qaz sızması səbəbiylə təxminən 500 nəfər təxliyyə edilib.

Trend-in “RİA Novosti” agentliyinə istinadən verdiyi məlumata görə, təxliyyə edilən insanlar dörd qəbul mərkəzində yerləşdirilib. Əraziyə gedən yollar bağlanılıb. Hadisə yerinə xeyli sayda təcili yardım maşını və həkim cəlb olunub.

Xəsarət alanlar haqqında məlumat verilməyib. Təxliyə edilmiş bəzi sakinlərə bu gün səhər öz evlərinə qayıtmağa icazə verilib.