XƏBƏR LENTİ

27 May 2020
26 May 2020

Digər Xəbərlər

27 Yanvar 2018 - 14:45

Göyərtəsində 50 nəfər olan bərə yoxa çıxıb- Sakit okeanda

Kiribati Respublikasının balıqçıları, həmçinin Fici və Yeni Zelandiya xilasediciləri azı bir həftə bundan əvvəl Sakit okean sularında yoxa çıxan bərəni axtarırlar.

Azərtac TASS informasiya agentliyinə istinadla xəbər verir ki, kiçik bərənin göyərtəsində 50-yə yaxın insan olub. Yanvarın 18-də Nonouti adasından çıxan katamaran iki gündən sonra 280 kilometr məsafədə yerləşən Tarava adasına çatmalı idi. Bərənin itməsi yalnız bir neçə gündən sonra məlum olub.

Hazırda Ficidən gələn bir neçə gəmi və Zelandiyanın göndərdiyi “P-3K2 Orion” patrul təyyarəsi Kiribati akvatoriyasında axtarışlara qoşulub.

Sakit okeanın cənub-qərbində yerləşən Kiribati Respublikasının tərkibinə 20-si kimsəsiz olan 33 kiçik atol (rif) daxildir. Onun sahilyanı iqtisadi zonasının ümumi sahəsi 3,5 milyon kvadratkilometr, əhalisi isə 100 min nəfərə yaxındır. Əhalinin yarıdan çoxu ən iri atol olan Tarava adasında yaşayır.