XƏBƏR LENTİ

26 Noyabr 2020
25 Noyabr 2020

Digər Xəbərlər

31 Yanvar 2018 - 20:44

ABŞ Quantanamo həbsxanasında saxlanılan məhbuslarınsayını artıra bilər

Kubada yerləşən Quantanamo həbsxanasında məhbusların sayı artırıla bilər.

Azərtac xarici KİV-lərə istinadla xəbər verir ki, bu barədə ABŞ Prezidenti Donald Trampın imzaladığı sənəddə bildirilir.

“Birləşmiş Ştatlar ölkənin təhlükəsizlik üzrə qanuni maraqları çərçivəsində yeni həbs olunan məhbusları Quantanamo körfəzində yerləşən Hərbi Dəniz Qüvvələrinin bazasına gətirə bilər”, – deyə sənəddə qeyd olunur. Tramp, həmçinin konqres qarşısında “Ölkədə vəziyyət barədə” illik çıxışı zamanı öz sələfi Barak Obamanın Quantanamonun bağlanılması barədə fərmanını ləğv edəcəyini bildirib.

ABŞ-ın Kubada yerləşən hərbi bazasında xüsusi həbsxana 2001-ci il 11 sentyabr terror aktlarından sonra yaradılıb. Hüquq müdafiəçiləri məhbusların hüquqlarının kobud şəkildə pozulması, işgəncələr, mənəvi və fiziki təhqirlər, dini inanclara hörmətsizlik, həmçinin ittiham irəli sürülmədən insanları azadlıqdan məhrum etmə faktlarına görə Corc Buş (oğul) administrasiyasını sərt tənqid edirdilər.

Quantanamo həbsxanasının ləğvi Obamanın 2008-ci ildəki ilk seçki kampaniyasının əsas vədlərindən biri idi. Donald Tramp isə öz növbəsində seçkilərdəki qələbəsindən öncə – 2016-cı ilin noyabrında həbsxananın bağlanılmasına qarşı çıxmışdı.

Qeyd edək ki, 2017-ci ilin avqust ayınadək Quantanamo həbsxanasında 41 məhbus vardı.