XƏBƏR LENTİ

29 Sentyabr 2020

Digər Xəbərlər

07 Fevral 2018 - 22:17

Şinzo Abe və Mayk Pensdən Şimali Koreya ilə bağlı ortaq qərar- Təzyiqlərin davam etdirilməsinin zəruriliyi təsdiqlənib

Yaponiyanın Baş naziri Şinzo Abe və ABŞ-ın vitse-prezidenti Mayk Pens Pxençanda keçirilən Olimpiya Oyunları ərəfəsində koreyalararası dialoqu alqışladıqlarını bildirsələr də, Şimali Koreyaya qarşı təzyiqləri kəskinləşdirməyin zəruriliyini vurğulayıblar.

Azərtac xəbər verir ki, fevralın 7-də Tokioda keçirilən görüşdən sonra Ş.Abe və M.Pens birgə mətbuat konfransı keçiriblər.

Baş nazir deyib ki, ABŞ-ın vitse-prezidenti ilə görüşdə onlar Şimali Koreyada baş verən son hadisələrlə bağlı fikir mübadiləsi aparmaqla yanaşı, bu ölkəyə qarşı atılacaq növbəti addımları da müzakirə ediblər. Görüşdə Yaponiya ilə ABŞ arasında yüz faizli birlik bir daha təsdiqlənib.

Baş nazirin sözlərinə əsasən, hər iki ölkə Şimali Koreyanın nüvə silahına malik olmaması barədə vahid fikri təsdiq edərək bildiriblər ki, Pxenyanın özünü yaxşı mənada təqdim etmək niyyəti heç kimi aldada bilməz.

M.Pens öz növbəsində ABŞ-Yaponiya ittifaqının sarsılmazlığını vurğulayaraq, Hind-Sakit okean regionunun inkişafı üçün bu birliyin xüsusi əhəmiyyət kəsb etdiyini deyib.