XƏBƏR LENTİ

28 May 2020
27 May 2020

Digər Xəbərlər

14 May 2018 - 16:41

İraq seçkilərinin ilk nəticələri –Şiə lideri Müqtəda Əl-Sədrin kommunistlərlə bloku irəlidə gedir 

 

 Şiə dini lider Müqtəda Əl-Sədrin yüzlərlə dəstəkçisi İraq parlament seçkilərinin ilkin nəticələrinin elanından sonra Bağdad küçələrinə çıxaraq, bayram ediblər.İraqın seçki komissiyası ölkə əyalətlərinin yarısından gələn nəticələrə əsasən, Əl-Sədrin koalisiyasının milli seçkilərdə irəlidə olduğunu elan edib. Əl-Sədr özü seçkilərdə iştirak etməsə də, onun koalisiyası paytaxt Bağdadda böyük üstünlüklə qalib gələ bilib.

İraqın nüfuzlu hərbi şiə qrupları ilə sıx əlaqədə olan namizədlərdən ibarət alyans seçkilərin nəticələrinə əsasən ikinci yerdədir.  Əl-Sədrin qələbəsi baş nazir Heydər Əl-Abadi yenidən baş nazir olmaq üçün apardığı kampaniyaya əhəmiyyətli zərbə vura bilər. Nəticələr olduğu kimi qalsa, Birləşmiş Ştatların sərt tənqidçisi olan Əl-Sədr İraqın növbəti liderinin kim olacağına müəyyən etməkdə əsas rol oynayacaq.

Seçki komissiyası bildirib ki, ölkənin 329 nəfərlik parlamentinə keçirilən seçkilərin yekun nəticələri iki gün ərzində elan ediləcək. (Amerikanın Səsi)