XƏBƏR LENTİ

05 Dekabr 2020
04 Dekabr 2020

Digər Xəbərlər

08 İyun 2018 - 18:10

“Avroviziya” Qüds şəhərində keçirilməyəcək –Avropa ölkələri müsabiqəni boykotla hədələyirlər

 

 Bu yaxında məlum olub ki, Avroviziya-2019-un (Eurovision 2019) keçirilmə vaxtı dəyişdirilib. İndi isə müsabiqənin keçirilməsi ilə bağlı yeni məsələlər üzə çıxıb.

Sputnik Azərbaycan İsrailin Ynetnews.com xəbər portalına istinadla xəbər verir ki, Avropa Yayım İttifaqı (European Broadcasting Union-EBU) İsrailə müsabiqənin keçirilmə yerini dəyişməklə bağlı müraciət edib. EBU müsabiqənin Yerusəlimdə (Qüds) keçirilməsinin fikir ayrılıqları yaratdığı üçün İsraildən bu addımı atmamağı rica edib.

“Əgər bura siyasət qarışsa, real bir ehtimal var ki, Avroviziya israildə keçirilməsin” — deyə mənbə bildirib.

EBU ilə İsrail Yayım Korporasiyası (IBC) arasında Avroviziya-2019-la əlaqədar keçirilən ilk işçi görüşdə İsrail tərəfinə aydın izah edilib ki, avropalılar hər cür siyasi müdaxiləyə dözmək fikrində deyillər.

“Onlar Ukraynanı misal gətirərək bildiriblər ki, “bu cür problemlər ucbatından az qala müsabiqə ləğv olunacaqdı. Odur ki, biz çox ehtiyatlı olmalıyıq”. IBC isə söz verib ki, bu məsələyə hökumət tərəfindən müdaxilə olmayacaq” — deyə mənbə bildirib.

Yığıncaqda, Avropa Yayım Birliyi İsraildən Avroviziya Mahnı Yarışının keçiriləcəyi ən az iki şəhərin adının onlara təqdim edilməsi tələbini irəli sürüb.

Nəşrin yazdığına görə, avropalı nümayəndələr qeyd ediblər ki, “hədəfimiz tədbirin yerini boykot edən ölkələrdən qaçmaqdır”.

Avropalıların əsas tələbi isə o olub ki, təqdim edilən şəhərlər arasında fikir ayrılığı (daha çox siyasi əsasda) yaradacaq hər hansı şəhərin adı olmamalıdır. Bununla da Yerusəlimin müsabiqənin keçirilməsinə ev sahibliyi edəcək şəhərlər arasında arzulanan olmadığına işarə edilib.

Xatırladaq ki, bu il keçirilən “Eurovision-2018” yarışının qalibi İsrail təmsilçisi Netta Barzilay olub. Netta bununla ölkəsini dördüncü dəfə “Avroviziya” yarışlarında birinci yerə çıxarıb. Nettaya qədər sonuncu qalib İsrail təmsilçisi 1998-ci ildə “Diva” mahnısı ilə çıxış edən Dana İnternational olub.

İsrailin baş naziri Benyamin Netanyahu “Eurovision-2018”-un qalibi Netta Barzilayla görüşü zamanı bəyan etmişdi ki, növbəti “Avroviziya” yarışı Yerusəlimdə (Qüds) olacaq. Onun bu bəyanatı Qüdsü özünün müqəddəs şəhəri hesab edən müsəlman dünyasını qəzəbləndirmişdi.