XƏBƏR LENTİ

10 Mart 2021

Digər Xəbərlər

06 İyul 2018 - 21:26

Erməni mafiyasına qarşı əməliyyat keçirilib- İspaniya polisi tərəfindən

İspaniyada erməni mafiyasına qarşı genişmiqyaslı əməliyyatlar keçirilib.

Azərtac xarici KİV-lərə istinadla xəbər verir ki, bu barədə İspaniya milli polisinin nümayəndələri Madriddə keçirilən mətbuat konfransında bildiriblər.

Qeyd edilib ki, əməliyyatlar iyunun 26-da başlayıb və 129 nəfər saxlanılıb. İspaniyanın müxtəlif şəhərlərində 74 axtarış keçirilib. Saxlanılanlar barədə korrupsiya, şantaj, qanunsuz silah saxlama, çirkli pulların yuyulması, narkotik ticarəti, saxta sənədlərin və saxta pulların hazırlanması və digər ittihamlar irəli sürülüb. Bundan başqa, erməni mafiyasının üzvləri avtomobilləri bir ölkədən digərinə keçirib, sənədləri dəyişərək satışa çıxarıblar. Axtarışlar zamanı 100 min avro pul, silah-sursat, qiymətli metalların əridilməsi üçün avadanlıq və çoxlu sayda tütün və narkotik vasitələr aşkar edilib.