Türkiyədə 18 mindən çox dövlət qulluqçusu işdən gənarlaşdırılıb. Onlar ölkənin “milli təhlükəsizliyinə” qarşı fəaliyyət göstərən qrupla əlbir olmaqda şübhəli bilinirlər.

İyulun 8-də dərc olunan fərmanla 3 qəzet və 1 televiziya kanalı da daxil olmaqla 12 Asosasiya bağlanıb.

Təkcə baş təhlükəsizlik idarəsindən 9 min nəfər qovulub. Həmçinin elmi institutların 199 əməkdaşı işdən kənarlaşdırılıb. Bu addım,ölkədəki mövcud fövqəladə vəziyyət rejiminin bu ay aradan qaldırılmasının mümkünlüyü fonunda baş verir.

Fövqəladə vəziyyət rejimi 2016-cı il uğursiz qiyam cəhdindən sonra tətbiq edilib.

İşdən çıxarılanlar, dövlət məmurları üçün nəzərdə tutulan imtiyazlarından məhrum edilir və indən belə dövlət qurumlarında çalışa bilməzlər. Türkiyə hakimiyyəti hesab edir ki, 2016-cı ildə baş verən çevriliş cəhdini hazırda ABŞ-da yaşayan ilahiyatçı Fətullah Gülən təşkil edib.

(Azadlıq radiosu)