XƏBƏR LENTİ

27 Noyabr 2020
26 Noyabr 2020

Digər Xəbərlər

24 Sentyabr 2018 - 09:20

Tramp BMT-də çıxış etmək üçün Nyu-Yorka gəlib –“Təhlükəsizlik Şurasında İranla bağlı iclasa sədrlik edəcəyəm!”

 

ABŞ prezidenti Donald Tramp BMT Baş Assambleyasının illik sessiyasında iştirak etmək üçün Nyu-Yorka səfər edib.

Bazar günü Trampın 73-cü sessiyada iştirak etmək üçün Nyu-Yorka gələn Yaponiya baş naziri Şinzo Abe ilə nahar yeməyi planlaşdırılıb. Ticarət məsələləri, eləcə də Koreya yarımadasında vəziyyət Tramp və Abe arasında müzakirələrin diqqət mərkəzində olacaq. ABŞ lideri Pxenyana səfər edib, Şimali Koreya lideri Kim Cen Inla müqavilələr imzalamış Cənubi Koreya prezidenti Mun Ca-inlə görüş keçirəcək.

Trampın keçən il BMT Baş Assambleyanın sessiyasında ilk çıxışı zamanı Şimali Koreyaya qarşı təhdidlərdən fərqli olaraq, bu dəfə Nyu-Yorkda müharibənin qarşısının alınması üçün diplomatik səylərə təşviq edəcəyi gözlənilir. ABŞ prezidentinin həftə ərzidə Britaniya, Kolumbiya, Misir, Fransa və İsrail liderləri ilə də görüşləri planlaşdırılıb.

Bazar ertəsi günü Tramp qeyri-qanunin narkotiklərdən istifadə və narkotiklərin təchizatının qarşısının alınması üçün beynəlxalq əməkdaşlığa dair qlobal səylərə yönəlmiş tədbirə qatılacaq.

Sentyabrın 25-də isə ABŞ prezidenti BMT Baş Assambleyasının illik sessiyasında çıxış edəcək, bundan sonrakı gün isə BMT Təhlükəsizlik Şurasının iclasına sədrlik edəcək. İclasda əsas diqqətin İranın tənqidinə yönəldiləcəyi bildirilsə də, ABŞ-ın BMT-dəki səfiri Nikki Heyli bir sıra başqa məsələlərin də müzakirə ediləcəyini bildirib. Tramp Twitter səhifəsindəki mesajında yazıb: “Mən gələn həftə BMT Təhlükəsizlik Şurasında İranla bağlı iclasa sədrlik edəcəyəm!”

Tramp administrasiyasının İranla dünya qüdrətləri arasında 2015-ci ildə imzalanmış nüvə müqaviləsindən çıxmasından sonra razılığa görə yüngülləşdirilmiş sanksiyaları yenidən bərpa etməsi gərginliklərin daha da artmasına səbəb olub. ABŞ administrasiyası eyni zamanda, İrana qarşı Vaşinqtonun regionda “bəd əməllər” adlandırdığı fəaliyyətlərinə son qoyması üçün təzyiqləri artırıb.

Bununla yanaşı, İran rəsmiləri şənbə günü hərbi parad zamanı törədilmiş hücuma görə Birləşmiş Ştatlar və onun Körfəz bölgəsindəki müttəfiqlərini günahlandırıb. Nikki Heyli İranın ittihamlarını rədd edib və Tehran rəsmilərinin diqqəti ölkənin özünə yönəltməli olduğunu bildirib. Ruhani BMT-nin Baş Assambleyasının sessiyasında iştirak etmək üçün Tehrandan Nyu-Yorka yola düşüb. (Amerikanın Səsi)