XƏBƏR LENTİ

03 İyun 2020

Digər Xəbərlər

15 Oktyabr 2018 - 23:31

Xaşuqcinin öldürülməsini təsdiqləyən dəlillər var –Türkiyə polisi Səudiyyə konsulluğunda nə tapıb?

Türkiyə və Səudiyyə Ərəbistanının yaratdığı birgə işçi qrup oktyabrın 15-də Səudiyyə Ərəbistanının İstanbuldakı konsulluğunda axtarış aparıb.

Bu qrup səudiyyəli jurnalist Camal Xaşuqcinin oktyabrın 2-də konsulluğun binasında yoxa çıxmasını araşdırmaq üçün yaradılıb.

Türkiyə hakimiyyəti hesab edir ki, jurnalisti binada qətlə yetiriblər. Səudiyyə Ərəbistanı ittihamı rədd edir.

Türkiyə insidenti araşdırmaq üçün ötən həftə Səudiyyə Ərəbistanından birgə qrup yaradılmasını xahiş eləmişdi. Məlumata görə, Türkiyə rəsmilərində jurnalistin konsulluqda öldürülməsinə dair audioyazı da var. Qərb mediası istintaqa yaxın mənbələrə istinadla yazırlar ki, həmin dəlillər jurnalistin Aplle qol saatından ötürülüb.

Amma istintaq hələ ki, bu barədə rəsmi açıqlama verməyib.

Jurnalist Camal Xaşuqci voktyabrın 2-də Səudiyyə Ərəbistanının İstanbuldakı konsulluğuna sənəd almaq üçün gedibmiş. Nişanlısı isə onu bayırda gözləyirmiş. Xaşuqci Səudiyyə Ərəbistanının Yəmən siyasətini və fəqli düşünənləri boğmasını tənqid edən yazıları ilə tanınırdı.

O, “Vaşinqton Post” qəzeti ilə əməkdaşlıq edirdi. ABŞ prezidenti Donald Tramp bəyan edib ki, əgər jurnalistin səfirlikdə öldürülməsi bəlli olsa Səudiyyə Ərəbistanını ağır cəza gözləyir. Böyük Britaniya da bəyan edib ki, bu məsələyə görə Səudiyyə rəsmilərinə qarşı sanksiyalar tətbiq edə bilər. Səudiyyə Ərəbistanı isə istənilən sanksiyaya cavab verəcəyini bildirib.

(Azadlıq radiosu)