XƏBƏR LENTİ

22 Sentyabr 2020
21 Sentyabr 2020

Digər Xəbərlər

06 Noyabr 2018 - 20:11

“Bizə qarşı hər hansı münaqişə baş verərsə, tutarlı cavab verməyə qadirik” –Lukaşenko

“Belarus ərazisində xarici ölkələrin, o cümlədən Rusiyanın hərbi bazasının yaradılmasına ehtiyac yoxdur”. 

Bu fikri Belarus Prezidenti Aleksandr Lukaşenko ABŞ-ın analitik qrupunun nümayəndələri ilə görüşündə söyləyib.

Lukaşenko bildirib ki, indiyə qədər Belarus ərazisində xarici ölkələrin hərbi bazası olmayıb: “İntensiv olaraq Rusiyanın hərbi bazasının Belarus ərazisində yerləşdirilməsi barədə müzakirələr aparırlar. Bunlar hamısı uydurma, süni müzakirələrdir”.

Belarus Prezidenti vurğulayıb ki, Rusiya ilə hərbi-siyasi ittifaq mövcuddur: “Ancaq müstəqil dövlət olaraq ərazimizdə digər ölkənin hərbi bazasının yaradılmasına imkan vermərik. Belarusun özünün çox güclü, nizamlı ordusu var, ölkəyə qarşı hər hansı münaqişə baş verərsə, tutarlı cavab verməyə qadirdir. Əgər NATO Belarusa yaxın ərazilərdə, Polşada hərbi bazasını yerləşdirərsə, biz daha müasir silahlarla, raket sistemi ilə güclənməkdə davam edəcəyik”.