XƏBƏR LENTİ

19 Sentyabr 2020
18 Sentyabr 2020

Digər Xəbərlər

18 Noyabr 2018 - 00:40

Belarus XİN-dən Paşinyana güllə kimi sözlər:"Böyük siyasətdə küçə qaydalarını rəhbər tutmaq doğru deyil"

“Böyük siyasətdə “küçə demokratiyası”nın qaydalarını deyil, qəbul edilmiş və tamamilə aydın etiket normalarını rəhbər tutmaq lazımdır”.

Belə bəyanatla Belarus Xarici İşlər Nazirliyinin mətbuat katibi Anatoli Qlaz Ermənistanın baş nazirinin səlahiyyətlərini icra edən Nikol Paşinyana cavab olaraq çıxış edib.

Bundan əvvəl Paşinyan jurnalistlərə bildirmişdi ki, Belarus prezidenti Aleksandr Lukaşenkodan KTMT-nin Astana sammitində baş verənləri bloka üzv olmayan Azərbaycanın səfiri ilə müzakirə etdiyi üçün izahat istəyəcək. Paşinyana görə 30 ildir dövlətə başçılıq edən təcrübəli siyasətçinin belə hərəkəti anlaşılan deyil.

Aleksandr Lukaşenko bu günlərdə Azərbaycanın Minskdəki səfiri Lətif Qəndilovu qəbul edərək həm prezident İlham Əliyevin Belarusa qarşıdakı səfərini, həm KTMT sammitində Ermənistan nümayəndəsinin baş katib seçilməsi məsələsi ətrafında baş verənləri müzakirə edib. Bunun ardınca Azərbaycan prezidenti Belarusun Bakıdakı səfirini qəbul edərək Ermənistan rəhbərliyinə ünvanlanmış sərt mesajlar verib.

“Görünür, Ermənistan baş nazirinin səlahiyyətlərini icra edən şəxs özünü cəzalandırmaq, yaxud əfv etmək səlahiyyətlərinə malik beynlxalq prokuror zənn edir”-Belarus XİN-in mətbuat katibi bildirib.

Aleksandr Qlaz əlavə edib ki, Ermənistan rəhbərinin bu davranışı ola bilsin KTM-nin keçmiş baş katibi Yuri Xaçaturovla bağlı məqbul görünə bilər, lakin dövlətlərarası münasibətlərdə tamamilə aydın protokol və etiket qaydaları var.

“Yəqin, Paşinyan hələ başa düşməyib ki, “küçə demokratiyasının” qaydaları böyük siyasətdə işləmir. Təəssüf, ümid edirik ki, zaman ötdükcə keçib gedəcək”-Aleksandr Qlaz Paşinyana istehza ilə bildirib.

virtualaz.org