XƏBƏR LENTİ

02 İyun 2020
01 İyun 2020

Digər Xəbərlər

13 Fevral 2019 - 21:19

Filippinin adının dəyişdirilməsi təklifi mübahisə yaratdı:deputatlar təkliflə razılaşmayıblar

Filippin parlamentinin üzvləri Prezident Rodriqo Dutertenin ölkənin adının Maharlikuya dəyişdirilməsi barədə təklifini soyuq qarşılayıblar.

AZƏRTAC xəbər verir ki, bu barədə “Manilla Bulletin” qəzeti məlumat yayıb.

Nəşrin yazdığına görə, parlament azlığının nümayəndəsi Buhay Lito Atiensa xatırladıb ki, Filippin yalnız ölkənin deyil, eyni zamanda, xalqın adıdır. Əgər filippinlilər ölkənin adının dəyişdirilməsini istəyirlərsə, onda onların xalq kimi də adı dəyişdirilməlidir.

“Anakpawis Partylist” partiyasının nümayəndəsi Ariel Kasilio isə bildirib ki, R.Duterte ölkəyə yeni ad verilməsinə çalışmaqdansa, onun suverenliyinin qorunmasına diqqəti artırsa daha yaxşı olar. R.Dutertenin partiyasının üzvü olan Qays Tambuntinq isə deyib ki, həmin təklifi hərtərəfli araşdırmaq lazımdır.

Makabayanadan senatorluğa namizəd Neri Kolmenares R.Dutertenin təklifi ilə bağlı böyük narahatlıq keçirdiyini bildirib. N.Kolmenares deyib ki, R.Duterte Filippinin adının dəyişdirilməsindənsə, Qərbi Filippin dənizində ölkənin maraqlarının müdafiəsinə çalışsa daha yaxşı olar.