XƏBƏR LENTİ

27 May 2020
26 May 2020

Digər Xəbərlər

16 Fevral 2019 - 16:44

Gürcüstanla ABŞ arasında yeni memorandum imzalanacaq- Hərbi əməkdaşlıq haqqında

Gürcüstanla ABŞ arasında hərbi sahədə əməkdaşlığa dair yeni memorandum imzalanacaq.

Bu sözləri Gürcüstanın müdafiə naziri Levan İzoriya ABŞ-ın müdafiə naziri Patrik Şenaxen ilə Münxendə keçirilən görüşündən sonra söyləyib.

O deyib ki, Gürcüstanın Baş naziri Mamuka Baxtadzenin rəhbərliyi ilə keçirilən görüşdə ABŞ ilə strateji tərəfdaşlığın daha da möhkəmləndirilməsi, Gürcüstanın NATO-ya inteqrasiyası, hərbi sahədə əməkdaşlığın inkişaf perspektivləri, regionda vəziyyət, münaqişələrin həlli yolları və s. məsələlər müzakirə olunub.

Nazirin sözlərinə görə, bu il ABŞ ilə təhlükəsizlik və müdafiə sahəsində əməkdaşlığa dair 5 illik müqavilə imzalanacaq. Müzakirə olunan vacib məsələlərdən biri də ABŞ-dan yeni silahların alınmasıdır. Yeni imzalanacaq sənəddə ABŞ istehsalı olan və hədəfi yüksək dəqiqliklə məhv edə bilən silahların Gürcüstana satılması məsələsi də əksini tapıb.