XƏBƏR LENTİ

10 Mart 2021

Digər Xəbərlər

04 Aprel 2019 - 21:56

“Taliban” Əfqanıstan təhlükəsizlik qüvvələrinə qarşı hücuma keçdi –20 əsgər öldürüldü

“Taliban” yaraqlılarının hücumu nəticəsində Əfqanıstan təhlükəsizlik qüvvələrinin 20 əsgəri öldürülüb. 

“DawnNews”  xəbər verir ki, ABŞ-ın sülh elçisi ilə danışıqların davam etdiyi bir vaxtda hökumət qüvvələrinin yerləşdiyi hərbi bazaya minaatanlar və avtomat silahlardan atəş açılıb.

Hərbi bazanın yerləşdiyi Bağdis əyalətinin rəsmi nümayəndəsi Məhəmməd Nəsir Nəzəri “Reuters” agentliyinə bildirib ki, “Taliban”ın gecə saatlarında başlayan hücumu gün ərzində davam edib. O əlavə edib ki, çoxlu sayda yaralılar var və onların əksəriyyətinin vəziyyəti ağırdır.

“Taliban” hərəkatının sözçüsü Qari Yusuf Əhmədi bəyan edib ki, onun təmsil etdiyi təşkilat terror aktına görə məsuliyyəti öz üzərinə götürür.

Daha bir silahlı hücum Əfqanıstanın Bağlan əyalətində baş verib.

Oradakı Puli Xumri şəhərində xəstəxananın atəşə tutulması nəticəsində bir həkim həlak olub, on səkkiz xəstə yaralanıb. Şərqi Nanqahar əyalətində isə mikroavtobusun partladılması nəticəsində 5 nəfər yaralanıb. Bu terror aktlarına görə heç bir təşkilat məsuliyyəti öz üzərinə götürməyib/Azərtac.