ABŞ hökuməti Türkiyəyə səfər edən vətəndaşlarına bu ölkədə oğurlanmaları ehtimalı barədə xəbərdarlıq edib.

Strateq.az bildirir ki, ABŞ Dövlət Departamentinin yaydığı  bəyanatda  ölkə vətəndaşlarını  Türkiyənin cənub şərqinə səfər etməkdən çəkinməyə çağırıb.

Bəyanatda həmçinin ABŞ vətəndaşlarından Türkiyənin Suriya ilə sərhəd məntəqələrinə səfər etməmələri istənilib.

Bəyanatda ABŞ vətəndaşlarına müraciətdə deyilir ki,  turizm mərkəzlərinə səfər zamanı və ya dövlət binalarına müraciət edərkən oğurlanmaq təhlükəsini unutmasınlar və ayıq davransınlar.

ABŞ Dövlət Departamenti həmçinin, öz  vətəndaşlarına insanların sıx olduğu yerlərdə olmaqdan çəkinməyi tövsiyə edib.