XƏBƏR LENTİ

25 Sentyabr 2020
24 Sentyabr 2020

Digər Xəbərlər

20 İyun 2019 - 18:33

Sudanı idarə edən hərbi şura baş prokuroru istefaya göndərib- Bu addımdan sonra

Sudanda hərbi çevriliş nəticəsində hakimiyyəti ələ alan hərbi keçid şurası ölkənin baş prokuroru Əl-Valid Seyid Əhmədi müxalifət düşərgəsinin güc strukturları tərəfindən dağıdılmasının təfərrüatlarını yaydıqdan sonra istefaya göndərib.

Azərtac xarici KİV-lərə istinadla xəbər verir ki, Sudanın baş prokuroru vəzifəsinə Abdullah Əhməd Abdullah təyin edilib.

Əl-Valid Seyid Əhməd iyunun 1-də Xartumun mərkəzində müxalifət düşərgəsinin güc strukturları tərəfindən dağıdılmasına həsr olunan mətbuat konfransında etirazçılara qarşı odlu silahdan istifadə olunmasına razılıq vermədiyini bildirmişdi.

Xatırladaq ki, iyunun 3-də Sudanın güc strukturlarının paytaxtın mərkəzində oturaq aksiyanı dağıtmaq üçün keçirdiyi əməliyyat nəticəsində onlarla insan həlak olmuşdu. Müxalifət buna cavab olaraq tətillərə və vətəndaş itaətsizliyi aksiyalarına başlamışdı.

2011-ci ildə qüvvəyə minən Amerika sanksiyalarından və Cənubi Sudanın ayrılmasından sonra ölkədə iqtisadi böhran hökm sürür. 2018-ci il dekabrın ortalarından başlayan və çörəyin qiymətinin ucuzlaşması tələbi ilə keçirilən xalq etirazlarında sonradan 30 il ölkəyə rəhbərlik edən Ömər əl-Bəşirin siyasi rejiminin dəyişdirilməsi tələbi irəli sürülüb. Aprelin 11-də Sudanda dördaylıq xalq etirazları fonunda hərbi çevriliş baş verib və hərbi keçid şurası formalaşdırılıb. Ömər əl-Bəşir isə istefaya göndərilərək həbs edilib.