XƏBƏR LENTİ

21 Oktyabr 2020
20 Oktyabr 2020

Digər Xəbərlər

21 İyun 2019 - 22:30

Gürcüstan Jurnalist Etikası Xartiyası:"Tbilisidə keçirilən aksiyada 31 jurnalist yaralanıb"

İyunun 20-də Tbilisinin mərkəzində keçirilmiş aksiya zamanı 31 jurnalist ciddi xəsarət alıb.

Bu barədə Gürcüstanın Jurnalist Etikası Xartiyası məlumat yayıb. Məlumatda deyilir ki, aksiya zamanı ümumilikdə 80-i polis əməkdaşı olmaqla, 240 nəfər yaralanıb. Civil.ge saytının fotomüxbiri Quram Muradov kürəyindən 11 rezin güllə yarası alıb. “Rustavi 2” televiziya kanalının müxbiri Tamar Baqaşvilinin çiyin sümüyü sınıb. Həmin telekanalın mühafizəçisi Georgi Sulaşvilinin çənəsi sınıb və o, bir gözünü itirib.

Aksiya zamanı “Rustavi 2” telekanalının 7, “TV Pirveli” kanalının 6 əməkdaşı müxtəlif dərəcəli xəsarətlər alıblar. Xəsarət alanlar sırasında “Reuters”, “Azadlıq radiosu” və digər beynəlxalq agentliklərin əməkdaşları da var.

Xartiya Daxili İşlər Nazirliyinə müraciət edərək hər bir faktın ayrıca araşdırılmasını tələb edib(azərtac).