İran prezidenti Həsən Ruhani Böyük Britaniyanın Cəbəllütariq boğazında İranın neft tankerini saxlamasını səhv addım kimi qiymətləndirib.

İran prezidenti Nazirlər Kabinetinin iclasında çıxışı zamanı bildirib ki, Böyük Britaniyanın bu addımı dünyada  sabitliyin pozulmasına gətirib çıxara bilər.

H. Ruhani Böyük Britaniyaya xəbərdarlıq edərək deyib ki, bu addım hamının ziyanınadır.

İran prezidenti Böyük Britaniyanın bu addımının cavabsız qalmayacağını da vurğulayıb.

Qeyd edək ki, Böyük Britaniya hərbi gəmiləri tərəfindən Cəbəllütariq boğazında İrana məxsus neft tankeri saxlanılıb.  /APA