XƏBƏR LENTİ

21 Sentyabr 2019
20 Sentyabr 2019

Digər Xəbərlər

22 Avqust 2019 - 21:07

Putini söyən jurnalistə iş təklif olunur –Yeni açılacaq teleşirkətdə

Gürcüstanda müxalif “Rustavi-2” telekanalının keçmiş baş direktoru Nika Qvaramia deyib ki, “Baş kanal” adlı yeni teleşirkət açır.

Qvaramia “Rustavi-2” telekanalının keçmiş sahibi, biznesmen Kibar Xalvaşıyə qaytarılması barədə məhkəmə qərarından sonra vəzifəsindən azad edilmişdi.

Qvaramia yeni telekanala ilk növbədə “Rustavi-2” telekanalının Post Scriptum verilişinin keçmiş aparıcısı Georgi Qabunianı dəvət edib.

Georgi Qabunia canlı efirdə Rusiya prezidenti Vladimir Putini ağır söyüşlərlə təhqir etmişdi.

Bunun ardınca jurnalisti efirdən məhrum etmişdilər və o məzuniyyətə getdiyini bildirmişdi.

Lakin avqustun 21-də məlum olmuşdu ki, “Rustavi-2” telekanalının yeni rəhbərliyi Qabunianı, habelə kanalın xəbər redaksiyasının rəhbəri Nodar Meladzeni vəzifələrindən kənarlaşdırıb.

Bundan başqa həmin redaksiyanın onlarca işçisi də vəzifələrindən uzaqlaşdırılmışdı.

“Rusitavi-2” kanalının yeni rəhbərliyi bu addımını Putinin təhqir olunması ilə əlaqələndirməyib.

Son məlumata görə “Rustavi-2” telekanalının xəbər redaksiyasının bütün jurnalistləri istefa veriblər.

Hazırda son 25 ildə ilk dəfə olaraq “Rustavi-2” kanalında xəbər proqramları efirə çıxmır. (azadliq.org)