XƏBƏR LENTİ

25 May 2020
24 May 2020

Digər Xəbərlər

25 Avqust 2019 - 23:41

Çin liderindən orduya çağırış:"Təlimlər real döyüş şəraitinə maksimum yaxın şəraitdə keçirilsin!"

Çin Xalq Respublikasının Sədri Si Cinpin orduya döyüş qabiliyyətini və hazırlığını yüksəltməyi davam etdirməyi tapşırıb.

Si Cinpin Çin Xalq Azadlıq Ordusu hərbi hava qüvvələrinin Qansu vilayətində yerləşən bazasındakı şəraitlə tanış olarkən hərbçilərə belə bir tapşırıq verib. O, silahlı qüvvələrin Çin Kommunist Partiyasının güclü ordu quruculuğu ilə bağlı nəzəriyyəsini, habelə ölkənin müdafiə strategiyasını və siyasətini tam dərk etməli və həyata keçirməli olduğunu deyib.

Sədr Si Cinpin ordunun oktyabrda ÇXR-in yaranmasının 70-ci ildönümünü yeni nailiyyətlərlə qeyd etməyə çağırıb. O, hərbi hava qüvvələrinin bazasında xidmətin gedişi ilə tanış olub, bazanın fəaliyyəti və təlimləri barədə məlumatlandırılıb.

ÇXR lideri təlimləri real döyüş şəraitinə maksimum yaxın şəraitdə keçirilməyi tövsiyə edib.

Çində silahlı qüvvələrin ən yuxarı idarəetmə orqanı Mərkəzi Hərbi Şuradır. Onun hazırkı sədri Çin Xalq Respublikasının Sədri, Kommunist Partiyası Mərkəzi Komitəsinin baş katibi Si Cinpindir(azərtac).