XƏBƏR LENTİ

25 May 2020
24 May 2020

Digər Xəbərlər

29 Avqust 2019 - 13:58

Ukraynalı kinorejissor Moskvada təcridxanaya köçürülüb –Kiyevlə Moskva məhbusları dəyişə bilər

Ukraynalı kinorejissor Oleq Sentsov Rusiyanın ucqar Arktik regionundakı həbsxanadan Moskvada təcridxanaya köçürülüb.

Bu haqda Rusiyanın iki agentliyi xəbər yayıb.

TASS və Interfax avqustun 29-da yazıb ki, Sentsov Butırskaya kimi tanınan 2 saylı təcridxanaya köçürülüb. O, Yamal-Nenets Muxtar Vilayətində həbsxanada saxlanırdı.

Bir gün öncə Ukrayna məhkəməsi rusiyalı jurnalist Kirill Vişinskini başqa yerə getməməklə bağlı iltizamla azadlığa buraxıb.

Son həftələr Kiyevlə Moskvanın onlarla məhbusu dəyiş-düyüş edəcəyi haqda məlumatlar yayılır.

2014-cü ildə Rusiyanın Ukraynanın Krım yarımadasını qanunsuz ilhaq etməsinə açıq şəkildə qarşı çıxan Sentsov terrorçuluq ittihamları ilə 20 illik həbsə məhkum edilib. Özü və tərəfdarları ittihamları rədd edir. (azadliq.org)