ABŞ prezidenti Donald Tramp və Ukrayna prezidenti Vladimir Zelenskinin iyuldakı telefon danışığının məzmunu ciddi məxfi xarakterdaşıyır. Buna görə Dövlət Departamenti onun stenoqramını dərc etməyəcək.

Bu barədə ABŞ-ın dövlət katibi Mayk Pompeo ABC televiziya şirkətinin efirində bildirib.

“Siz bilirsiniz ki, biz (Dövlət Departamenti-red) son dərəcə nadir hallarda stenoqramın mətnini açıqlayırıq. Dünya liderlərinin danışıqları məxfi xarakteri daşıyır. Hansısa ekstremal şəraitdən başqa belə (mətni açıqlamaq -red) hərəkət etmək yersizdir”, – deyə xarici siyasət idarəsinin başçısı qeyd edib.

Onun nöqteyi-nəzərincə, Tramp və Zelenskinin telefon danışığı bu kateqoriyaya aid deyil.  /Report