XƏBƏR LENTİ

03 İyun 2020
02 İyun 2020

Digər Xəbərlər

10 Fevral 2016 - 07:37

İŞİD-ın əsas gəlir mənbələri… – [color=red] 1 ildə təkcə neftdən 500 milyon dollar

“BMT Təhlükəsizlik Şurasının terrorçuların maliyyə mənbələrinin kəsilməsi ilə bağlı qətnamə qəbul etməsinə baxmayaraq, İŞİD neft ticarətindən hələ də gəlir əldə etməkdədir”.

Apa.az-ın ria.ru agentliyinə istinadən verdiyi xəbərə görə, bu barədə BMT-nin Baş katibinin Siyasi məsələlər üzrə müavini Cefri Feltman bildirib.

C.Feltman qeyd edib ki, İŞİD cəld və effektiv şəkildə böyük resursları mənimsəmək qabiliyyətinə malikdir. Onun sözlərinə görə, İŞİD bu maliyyə resursları, özünün transmilli cinayətkar qruplaşmalarla əlaqələrindən gəlir əldə edir və fəaliyyətini dünyanın digər regionlarında da genişləndirir:

“Maliyyə gəlirlərinin əsas mənbəyini işğal olunan ərazilərdəki neft və digər təbii resurslardan istifadə edilməsi, əmlakın müsadirəsi, arxeoloji abidələrin talan edilməsi, vergi yığılması, girovlar müqabilində pul əldə edilməsi, internet və sosial şəbəkələr vasitəsilə vəsaitlərin cəlb edilməsi təşkil edir”.

Xatırladaq ki, BMT baş katibinin məruzəsinə əsasən, 2015-ci ildə İŞİD neft və neft məhsullarının satışından 400-500 milyon dollar qazanıb.