XƏBƏR LENTİ

14 Dekabr 2019
13 Dekabr 2019

Digər Xəbərlər

16 Noyabr 2019 - 13:11

Ceff Bezos gerilədi, Bill Qeyts önə keçdi- Milyarderlərin reytinqi dəyişdi

“Microsoft” kompaniyasının qurucusu Bill Qeyts “Amazon” online-reteylerinin rəhbəri Ceff Bezosu qabaqlayaraq ikiillik fasilədən sonra yenidən “Bloomberg Billionaires Index” milyarderlər reytinqinə başçılıq edir.

Azərtac Bloomberg agentliyinə istinadla xəbər verir ki, Bill Qeytsin reytinqdə ilk yerə çıxmasına “Microsoft” və Pentaqon arasında imzalanan və hərbi qurumun məlumatlarının saxlanılması üçün “bulud” infrastrukturunun qurulmasını nəzərdə tutan 10 milyard dollarlıq müqavilə səbəb olub. “Microsoft” aksiyalarının bahalaşması Bill Qeytsin varidatının artaraq 110 milyard dollara çatması ilə nəticələnib.

Qeyd edək ki, bundan öncə Pentaqonla müqavilənin bağlanması üçün əsas namizəd 109 milyard dollarla ikinci pilləyə enən Ceff Bezosun “Amazon” kompaniyası olub. Dünyanın ən varlı insanları reytinqində üçüncü pillədə aktivləri 103 milyard dollar həcmində qiymətləndirilən Fransanın “Louis Vuitton Moët Hennessy” kompaniyasının prezidenti Benua Arno qərarlaşıb.

Qeyd edək ki, “Bloomberg Billionaires Index” milyarderlər siyahısı “Bloomberg” agentliyinin hər il yenilənən reytinqidir. O, bir sıra göstəricilərə görə, əsasən də biznesmenlərin sahib olduqları aktivlərin bazar dəyərinə görə varidatlarını qiymətləndirir.