XƏBƏR LENTİ

22 Oktyabr 2020

Digər Xəbərlər

07 Yanvar 2020 - 13:59

Rusiyalı jurnalist Gürcüstandan siyasi sığınacaq istəyir

Yekaterinburqdan olan jurnalist Yuri İzotov siyasi sığınacaq üçün Gürcüstan hakimiyyətinə müraciət edib.

Bu barədə “Кrım.realii” məlumat yayıb.

Sayta müsahibəsində jurnalist Rusiyadakı cinayət araşdırmalarından qorxduğunu deyib.

“Yayda Moskvadakı mitinqin dağıdılması ilə bağlı sosial şəbəkələrdə yazdığım postlarla bağlı təhlükəsizlik qüvvələri yoxlamalar apardı. Yoxlama cinayət işinin başlanmasından imtina ilə başa çatsa da, yaxşı başa düşürəm ki, istənilən vaxt mənə qarşı istənilən bir cinayət işi açıb axtarışa verə bilərlər ” – deyə, o bildirib.

Yuri İzotov 2016-cı ildə Rusiyanı tərk edib. Bir müddət Ukraynada yaşayan jurnalistin bu ölkədən siyasi sığınacaq almaq istəyinə mənfi cavab verilib.

İzotov hesab edir ki, o, Kiyevdəki antihərbi aksiyalarda iştirakına görə Rusiyadakı araşdırmaların qurbanına çevrilə bilər. (azadliq.org)