XƏBƏR LENTİ

02 Dekabr 2020
01 Dekabr 2020

Digər Xəbərlər

12 Yanvar 2020 - 09:50

Britaniyanın Müdafiə naziri:“Biz ABŞ-ın hava dəstəyindən, ABŞ kəşfiyyatından və izlənməsindən çox asılıyıq"

Böyük Britaniyanın Müdafiə naziri Ben Uolles gələcəkdə Birləşmiş Krallığın ABŞ-ın hərbi dəstəyinə arxalana bilməyəcəyini istisna etmir və buna görə də britaniyalıların yalnız öz güclərinə arxalanmalı olduğunu düşünür.

Bu fikri Uolles “The Sunday Times” qəzetinə verdiyi müsahibəsində Prezident Donald Trampın dövründə ABŞ-ın artan təcridetmə siyasətini müzakirə edərkən səsləndirib.

“ABŞ-ın dünyada lider mövqeyini tərk edə biləcəyindən narahatam. Bu, dünya üçün pis və bizim üçün də pis olacaq. Ən pisinə hazırlaşırıq və ən yaxşılarına ümid edirik. Son bir il ərzində Birləşmiş Ştatlar Suriyadan qoşunları çıxardı. Donald Tramp İraqla bağlı verdiyi açıqlamada NATO qüvvələrinin ABŞ-ı əvəz etməli və Yaxın Şərqdə daha çox iş görməli olduğunu söylədi. ABŞ əslində zəbt edəcəyimiz yeri əks etdirmir”, – nazir belə deyib.

“Biz ABŞ-ın hava dəstəyindən, ABŞ kəşfiyyatından və izlənməsindən çox asılıyıq. Qüvvələrimizi və imkanlarımızı şaxələndirməliyik”, – deyə Uolles əminliklə bildirib. /APA