XƏBƏR LENTİ

19 Fevral 2020
18 Fevral 2020

Digər Xəbərlər

27 Yanvar 2020 - 22:59

“Heç bir ölkə İranın bu qədər davam gətirəcəyini düşünmürdü” –Ruhani

Heç bir ölkə İranın təzyiqlər qarşısında bu qədər davam gətirəcəyini düşünmürdü.

Trend-in IRIB-ə istinadən verdiyi məlumata görə, bunu İranın Prezidenti Həsən Ruhani İran vilayətləri valilərinin iclasında deyib.

Dövlət başçısı bildirib ki, hamı – rəsmi Tehrana dost və yaxşı münasibətləri olmayan ölkələr İranın bir neçə aydan artıq davam gətirə bilməyəcəyini təsəvvür edirdi.

“Bu, İranda sadə bir gün deyil, ölkə iki ildir ən ağır iqtisadi, siyasi və təbliğat təzyiqləri ilə üzləşib”, – deyən Ruhani əlavə edib ki, hazırda İran xalqına qarşı təzyiq hər zamankından daha çoxdur.

Qeyd edək ki, ABŞ 2018-ci il noyabr ayında İrana qarşı sanksiyalar tətbiq edib və sanksiyalar siyahısını bir neçə mərhələdə genişləndirib. Sanksiyalar İranın iqtisadiyyatına güclü təsir göstərib.