XƏBƏR LENTİ

28 Oktyabr 2020

Digər Xəbərlər

03 Mart 2020 - 23:22

Latviya Avropada orduya ən çox pul xərcləyən ölkədir- Rəqəmlər

Latviya dövlət büdcəsində müdafiə xərclərinin payına görə Avropa İttifaqı ölkələri arasında liderdir.

Azərtac xəbər verir k, bu barədə Avropa Statistika İdarəsi (Eurostat) məlumat yayıb.

Məlumata əsasən, Avropa İttifaqı ölkələrinin ümumi daxili məhsulunun orta hesabla 1,2 faizi orduya yönəldiyi halda, bu göstərici Latviya büdcəsində 2,1 faiz təşkil edir.

Ümumi daxili məhsulda müdafiə xərclərinin payı daha çox olan ölkələr arasında ilk üçlüyü Yunanıstan və Estoniya (hər ikisində 2 faiz) tuturlar. Bu göstərici üzrə siyahının sonuncu iki pilləsində İrlandiya (0,3 faiz) və Malta (0,5 faiz) qərarlaşıblar.

Ümumilikdə Avropa İttifaqı ölkələri müdafiə məqsədilə təxminən 162 milyard avro xərcləyiblər.