XƏBƏR LENTİ

21 Sentyabr 2020
20 Sentyabr 2020
19 Sentyabr 2020

Digər Xəbərlər

10 Mart 2020 - 14:04

Vladimir Jirinovski:"Dövlət Dumasına növbədənkənar seçkilərin keçirilməsi lazım olacaq"

Rusiya Liberal Demokrat Partiyasının lideri Vladimir Jirinovski yeni konstitusiyanın qəbulundan sonra ölkədə növbədənkənar parlament seçkilərinin keçirilməsini təklif edib.

Bu gün Dövlət Dumasının plenar iclasından öncə jurnalistlərə açıqlamasında V. Jirinovski ölkədə növbədənkənar parlament seçkilərinin keçirilməsinin lazım olduğunu bildirib.

“Yenilənmiş Konstitusiya apreldə qüvvəyə minsə, yəqin ki, ölkədə Dövlət Dumasına növbədənkənar seçkilərin keçirilməsi lazım olacaq”, – deyə o vurğulayıb.

Qeyd edək ki, bu gün Dövlət Dumasında Rusiya prezidenti Vladimir Putinin ölkə konstitusiyasına dəyişikliklərə bağlı qanun layihəsinə ikinci oxunuşda baxılır. Artıq “Vahid Rusiya” partiyası yekdilliklə Konstitusiyaya dəyişiklikləri dəstəklədiyini açıqlayıb. Rusiya parlamentinin aşağı palatası ilk oxunuşda konstitusiyaya dəyişikliklərlə bağlı qanun layihəsini qəbul edib. Aprelin 22-də ümumxalq səsverməsinin keçirilməsi haqqında qərar qəbul olunub/APA.