XƏBƏR LENTİ

31 Oktyabr 2020
30 Oktyabr 2020

Digər Xəbərlər

18 Mart 2020 - 12:48

İranda koronavirus: 3,5 milyon insanın öləcəyi proqnozlaşdırılır

İranın Şərif Texnologiya Universitetinin tədqiqatçıları COVID-19-un İranda daha da yayılması və onun nəticələri ilə bağlı fərqli ssenariləri sınamaq üçün komputer simulyatoru hazırlayıblar.

“Deutsche Welle”nin verdiyi xəbərə görə, bu hesablamaya əsasən İranda təxminən bir həftə ərzində pandemiya öz zirvəsinə çatacaq, ölənlərin sayı 12 000 nəfəri keçəcək.

Komputer simulyatoru bu hesablamanı ən yaxşı ssenariyə görə hesablayıb. Belə ki, hökumət bütün yüksək riskli ərazilərə karantin tətbiq edir, yerlərdə insanlar karantin qaydalarına ciddi şəkildə əməl edir və kifayət qədər tibbi ləvazimatlara zəmanət verilir.

Lakin tədqiqatçılar bu ssenarinin hər üç halda həqiqətə uyğun olmadığını qeyd ediblər. Bildirilib ki, hökumət tam karantin tətbiq edə bilməz. Eyni zamanda müəyyən insanlar karantin qaydalarına tabe olmayacaqlar və tibbi təminatın vəziyyəti ABŞ-ın sanksiyaları və idarəçilikdəki problemlərlə əlaqədar tam yüksək səviyyədə olmayacaq.

Tədqiqatçılar bu reallıqları nəzərə alaraq, may ayının sonunda epidemiyanın pik nöqtəsinə çatacağını və bunun nəticəsində 3,5 milyon insanın ölə biləcəyini təxmin edirlər. (apa)