XƏBƏR LENTİ

20 Sentyabr 2020
19 Sentyabr 2020
18 Sentyabr 2020

Digər Xəbərlər

13 Aprel 2020 - 09:11

Son sutkada daha 72,5 min nəfər koronavirusa yoluxub –5,4 min nəfər virusun qurbanı olub

Son sutka ərzində dünyada koronavirus infeksiyasına 72 mindən çox insan yoluxub, təxminən 5,4 min nəfər də bu virusun qurbanı olub.

Bölgələr və ölkələr üzrə COVID-19 virusuna yoluxanların qeydiyyatını aparan “Worldometer” bu barədə məlumat yayıb.

12 aprel tarixli statistikaya görə, dünyada indiyədək 1 852 257 nəfər yeni növ koronavirusa yoluxub, 114 194 nəfər isə bu ölümcül virusun qurbanına çevrilib. Son gün ərzində 72 514 insanda koronavirus aşkarlanıb, ölənlərin sayı isə 5415 nəfər artıb.

Ən çox yoluxma və ölüm halları Avropa regionunda qeydə alınıb – 881 110 yoluxma və 76 768 ölüm. Sutka ərzində burada yoluxanların sayı 28 211, ölənlərin sayı isə 3143 nəfər artıb.

Şimali Amerikada virusa yoluxanların ümumi sayı 598 295 nəfər təşkil edir, indiyədək 23 476 nəfər də ölüb. Cənubi Amerikada vəziyyət nisbətən ürəkaçandır – 50 281 yoluxma və 2081 ölüm faktı.

Yoluxma sayı üzrə üçüncü yeri Çin, Koreya Respublikası və Yaponiyanın daxil olduğu Asiya qitəsi tutur. Son məlumata görə, burada 298 736 yoluxma, 11 002 ölüm faktı qeydə alınıb.

Ən çox yoluxanlar ABŞ-dadır – 560 300 nəfər. Onun ardınca İspaniya (166 831), İtaliya (156 363), Fransa (132 591), Almaniya (127 854) və Böyük Britaniya (84 279) gəlir. (apa)