XƏBƏR LENTİ

27 Sentyabr 2020

Digər Xəbərlər

28 Aprel 2020 - 00:07

Həftər Liviyanı nəzarətə götürdüyünü bəyan etdi:"Artıq Şirat Sazişi ləğv olundu"

Liviya Milli Ordusu bazar ertəsi ( 27 Aprel – Red) ölkəni nəzarətə götürdüyünü bəyan edib.

RİA Novosti” xəbər verir ki, bunu Liviya Milli Ordusunun komandanı Marşal Xəlifə Həftər açıqlayıb.

“Silahlı Qüvvələrin Baş Komandanlığı ölkənin idarəçiliyini ələ keçirir və Şirat Sazişinin ləğv olunduğunu elan edir”.

Qeyd edək ki, Şirat Sazişi 2015-ci ilin dekabr ayında Mərakeşin Şirat şəhərində imzalanıb və özündə silahlı münaqişə tərəfləri arasında mövcud olan problemin siyasi yolla həllini ehtiva edir.

Bu, Liviyada hakimiyyətlərin qurulmasını təmin edən BMT-nin sülh planına əsaslanırdı. Nəticədə ölkədə Milli Razılıq Hökuməti və Prezident Şurası (Dövlət başçısının funksiyalarını yerinə yetirir – Red) yaradıldı. Hazırda hər iki quruma baş nazir Faiz Sərac rəhbərlik edir.

Razılaşmaya əsasən, bütün neft gəlirləri Tripolidəki Mərkəzi Banka daxil olmalı idi. Vəsait isə bölgənin inkişafı üçün deyil, hərbi texnikanın alınması və hərbçilərin məvacibinə xərclənməli idi/Report.