XƏBƏR LENTİ

24 Sentyabr 2020
23 Sentyabr 2020

Digər Xəbərlər

01 May 2020 - 23:00

Fransada koronavirus:ölənlərin sayı 24,6 minə çatdı

Fransada son bir gündə daha 218 nəfər koronavirusdan ölüb.

TASS xəbər verir ki, bu barədə ölkə səhiyyəsi baş idarəsinin direktoru Jerom Salomon Səhiyyə Nazirliyində keçirdiyi brifinqdə bildirib.

O, qeyd edib ki, bununla ölkədə COVID-19 qurbanlarının sayı 24 594 nəfərə çatıb.

“Ölkədə COVID-19-dan ölənlərin sayı 24 594 nəfər təşkil edir. Bu halda 218 nəfər bir gün ərzində artdı”, – o deyib.

Jerom Salomonun sözlərinə görə, epidemiya ərzində xəstəxanalarda 15 369 insan ölüb, qocalar evlərində isə 9 225 nəfər vəfat edib.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. (report)