XƏBƏR LENTİ

24 Sentyabr 2020
23 Sentyabr 2020

Digər Xəbərlər

16 May 2020 - 16:38

İranda məscidlərdə bayram namazının qılınmasına və futbol oyunlarına icazə verilib –Ruhanidən açıqlama

“İranda universitetlər iyun ayının 6-dan açılacaq”. 

Bunu İran Prezidenti Həsən Ruhani koronavirusla mübarizə üzrə qərargahın iclasında çıxışı zamanı deyib.  

O bildirib ki, Ramazan ayından sonra ölkədə fəaliyyət göstərən kafe və restoranlar xüsusi protokola əsasən fəaliyyətini bərpa edəcək. 

İran Prezidenti ali məktəblərə qəbul imtahanlarının da xüsusi protokol əsasında keçiriləcəyini vurğulayıb.

Ruhaninin sözlərinə görə, Ramazan ayından sonra İmam Rzanın ziyarətgahı və ölkədəki digər ziyarətgahlar məhdud şəkildə zəvvarlarınüzünə açılacaq. O qeyd edib ki, ziyarətgahların həyətləri səhər və axşam 3 saat olmaqla zəvvarlar üçün açıq olacaq.  

İclasda Ramazan bayramı namazının qılınması ilə bağlı da qərar qəbul edilib. Belə ki, məscidlərdə bayram namazının məhdud şəkildə qılınmasına icazə verilib.

Eyni zamanda, idman yarışlarının, o cümlədən futbol matçlarının azarkeşsiz keçirilməsinə də icazə verilib/APA.