XƏBƏR LENTİ

18 Sentyabr 2020
17 Sentyabr 2020

Digər Xəbərlər

24 İyun 2020 - 00:27

Hər 5 ölkədən 1-i turist səfərlərinə məhdudiyyətləri aradan qaldırır- Ümumdünya Turizm Təşkilatı

Ölkələrin 20 faizindən çoxu turist səfərlərində məhdudiyyətləri aradan qaldırmağa başlayıb, 65 faiz ölkənin sərhədləri isə hələ də əcnəbilər üçün tamamilə bağlıdır.

“Report” “RİA Novosti”yə istinadən xəbər verir ki, bu barədə BMT yanında Ümumdünya Turizm Təşkilatı (UNWTO) məlumat verib.

Belə ki, iyunun 15-nə olan məlumata görə, ayrı-ayrı ölkələr kontekstində 48 turizm istiqaməti (22 faiz) tədricən hərəkət məhdudiyyətlərini aradan qaldırır. Təxminən bir ay əvvəl – mayın 18-də belə istiqamətlərin sayı 7 idi (3 faiz).

Təşkilatdan qeyd olunub ki, Avropanın 37 ölkəsi, Amerika qitəsinin altı ölkəsi (onlardan beşi ada-dövlətdir), Asiya-Sakit okean bölgəsində üç istiqamət (iki ada) və Afrikadakı iki dövlət sərhədlərini turistlərin üzünə açmağa başlayıb.

Eyni zamanda dünyanın 141 ölkəsinin (65 faiz) sərhədləri xarici turistlər üçün tamamilə bağlıdır. Bu göstərici Afrikada 85 faiz, Amerikada 76 faiz, Asiya-Sakit Okean regionunda 67 faiz, Yaxın Şərqdə 92 faiz, Avropada isə 26 faiz təşkil edir.